"Qarabağ"ın üzvü UEFA Çempionlar Liqasında liderliyə yüksəldi
Futbol üzrə UEFA Çempionlar Liqasının 2024/2025-ci illər mövsümünün bombardirlər siyahısında dəyişiklik olub.
Mediasport.az xəbər verir ki, 3-cü təsnifat mərhələsinin ilk görüşlərindən sonra “Qarabağ”ın futbolçusu Olavio Juninyo zirvəyə yüksəlib.
Dünən Bakıda Bolqarıstanın "Ludoqorets" klubunun qapısına yol tapan braziliyalı hücumçu mövsümdəki qol sayını 5-ə çatdırıb.
O, “Klaksvik"in üzvü Arni Frederiksberqə çatsa da, Farer adaları təmsilçisi yarışla vidalaşdığı üçün Olavio ön plana çıxıb.
Xatırladaq ki, Arni 5 qolu 4 görüşdə vurub, Ağdam klubunun "sambaçı"sı isə buna 3 matçda nail olub.
