Qurban Qurbanov və Berdıyev irəlilədi, Fernandu Santuş gerilədi
Dünyanın ən güclü futbol məşqçilərinin noyabr ayı üzrə reytinqi açıqlanıb.
Mediasport.az xəbər verir ki, 500 ən güclü çalışdırıcının yer aldığı siyahıda Azərbaycanı yalnız Qurban Qurbanov təmsil edir.
Təcrübəli mütəxəssis 1658 xalla 146-cı pillədə qərarlaşıb. 52 yaşlı məşqçi ötən cədvəllə müqayisədə 9 xal qazanıb və 9 pillə irəliləyib.
"Turan Tovuz"un baş məşqçisi Kurban Berdıyev 1796 xalla 57-ci pillədə yer alıb. O, 2 pillə irəliləyib.
Milli komandamızı çalışdıran Fernandu Santuş 1624 xalla siyahıda 192-ci pillədə mövqe tutub. Avropa çempionu 1 pillə geriləyib.
Reytinqə 2211 xalla "Mançester Siti"nin baş məşqçisi Xosep Qvardiola başçılıq edir.
