Yığmamız Almaniyada Avropa çempionatının yarımfinalına çıxdı
Almaniyanın Düseldorf şəhərində at polosu üzrə 14-cü Avropa çempionatında qrup mərhələsinin ikinci turunun oyunları keçirilib.
Mediasport.az xəbər verir ki, Elçin Camallı, Tərlan Qurbanəliyev, Xoakin Kopello və Andres Ernesto Lorentonun təmsil olunduqları millimiz bu dəfə son qitə çempionu İtaliyaya 6:1 hesabı ilə qalib gəlib.
Beləliklə, qrupda birinci yeri təmin edən Azərbaycan millisi son turun İsveçrə ilə oyununun nəticəsindən asılı olmayaraq, yarımfinala vəsiqə qazanıb. Sabah keçiriləcək digər oyunların nəticələrinə əsasən, qrup ikinciləri də müəyyənləşəcək.
Azərbaycan - İsveçrə arasında yarımfinal görüşü saat 10:30-da başlanacaq.
