"Zirə"nin "Omoniya" ilə cavab matçının biletləri satışa çıxarılır
"Zirə" UEFA Avropa Konfrans Liqasının pley-off mərhələsinin cavab matçında "Omoniya"nı qəbul edəcək.
Mediasport.az xəbər verir ki, saat 13:00-dan matçın biletləri satışa çıxarılacaq.
Biletlərin qiyməti sektorlara əsasən, müvafiq olaraq 2, 5, 10, və 20 manat təşkil edir.
Azarkeşlər biletləri Zirə İdman Kompleksinin və matçın keçiriləcəyi "Dalğa Arena"nın kassalarından ala bilərlər.
Xatırladaq ki, görüş avqustun 29-da "Dalğa Arena"da keçiriləcək və saat 20:00-da start götürəcək.
