Azərbaycan UEFA-nın reytinq cədvəlində iki pillə gerilədi
Bu həftə Azərbaycanın iki klubu avrokuboklarda pley-off mərhələsinə yüksəlsə də, ölkəmiz UEFA reytinqində iki pillə geri düşüb.
Mediasport.az xəbər verir ki, hazırda hesabında 18.875 əmsal olan ölkəmiz sıralamada 26-cı sırada qərarlaşıb.
Azərbaycanı qabaqlayan 25-ci pillədəki Kiprin 18.975 xalı var.
27-ci olan Bolqarıstan isə 18.375 əmsala malikdir.
Xatırladaq ki, avrokuboklarda təmsilçilərimizdən "Qarabağ" ÇL qələbəsinə görə hesabımıza 0.250, "Zirə" KL heç-heçəsinə görə 0.125 əmsal qazandırıb.
55 ölkənin yer aldığı reytinqə 89.160 xalla İngiltərə başçılıq edir.
