Şahin Diniyevlə birlikdə istefa verənlər məlum oldu - SİYAHI
"Səbail"in baş məşqçisi Şahin Diniyev Azərbaycan Premyer Liqasının 12-ci turunun "Kəpəz"lə səfər görüşündən sonra istefa verib.
Təcrübəli mütəxəssis qərarını 0:1 hesablı məğlubiyyətin ardından keçirilən mətbuat konfransında açıqlayıb.
Mediasport.az xəbər verir ki, "dənizçilər"i tərk edənlər siyahısında məşqçilər korpusunun bütün heyəti yer alıb.
Diniyevin köməkçiləri Sebahattin Tekin, oğlu Kərim Diniyev, Azər Məmmədov, qapıçılar üzrə məşqçi Fuad Əsədov, fiziki hazırlıq üzrə çalışdırıcı Elmir Xankişiyev və analitik Zaur Əliyev də Bayıl klubundan ayrılıblar.
Komandanın yeni baş məşqçisi bugünlərdə müəyyənləşəcək.
Xatırladaq ki, "Səbail" 12 turdan sonra 7 xalla 9-cu pillədə qərarlaşıb. Komanda bu mövsüm 2 qələbə qazanıb.
