Dünya çempionatının qalibinə fantastik mükafat veriləcək
2025-ci ilin yayında ABŞ-də keçiriləcək FİFA klublarası dünya çempionatının mükafat fondu açıqlanıb.
Mediasport.az xəbər verir ki, ilk dəfə yeni formatla təşkil ediləcək mundialın qalibinə rekord məbləğdə mükafat veriləcək.
32 komanda arasında ən güclü olan kollektiv 100 milyon avro qazanacaq.
Bu, UEFA Çempionlar Liqası qalibinin əldə etdiyi mükafatdan çoxdur. Nümunə üçün deyək ki, ÇL-in qalibinin qazancı son mövsüm 90 milyon avro olub.
Klublararası dünya çempionatı iyunun 15-dən iyulun 13-dək baş tutacaq.
8 qrupun hərəsində 4 klub yarışacaq.
