"Beşiktaş" klubunun prezidentliyinə namizədliyi irəli sürülən Mübariz Mənsimov İstanbul derbisini izlədi
Türkiyədə yaşayan azərbaycanlı iş adamı Mübariz Mənsimov uzun fasilədən sonra stadionda görüntülənib.
Mediasport.az xəbər verir ki, tarixə qovuşmuş "Xəzər Lənkəran" futbol klubunun yaradıcısı Superliqanın 15-ci turu çərçivəsində baş tutan "Beşiktaş" - "Fənərbağça" matçını arenadan izləyib.
"Palmali Holdinq"in sahibi azarkeşi olduğu "qara qartallar"ın minimal hesablı qələbəsini bayram edib - 1:0.
Qeyd edək ki, M.Mənsimovun bugünlərdə "Beşiktaş" İdman Klubunun çoxminli azarkeş qrupları tərəfindən futbol bölməsinin prezidentliyinə namizədliyi irəli sürülüb.
