Dünyanın ən yaxşı milli komanda məşqçilərinin adları açıqlandı
2024-cü ildə dünyanın ən yaxşı milli komanda məşqçiləri müəyyənləşib.
Mediasport.az xəbər verir ki, Beynəlxalq Futbol Tarixi və Statistikaları Federasiyasının (İFFHS) keçirdiyi səsverməyə əsasən, İspaniya yığmasını Avropa çempionu edən Luis de la Fuente ən yaxşı adına layiq görülüb.
63 yaşlı mütəxəssis 274 xal toplayıb.
Argentina milli komandasının "sükan"ı arxasında əyləşən Lionel Skaloni 148 xalla ikinci olub.
Üçüncü yeri 35 xalla Fransa seçməsinin çalışdırıcısı Didye Deşam tutub.
Qalib adını son iki ildə Lionel Skaloni qazanmışdı.
