Fərid Qayıbov "Qarabağ"dan yazdı:"Təəssüflər olsun ki, uduzduq"
![Fərid Qayıbov "Qarabağ"dan yazdı:"Təəssüflər olsun ki, uduzduq"](https://mediasport.az/uploads/images/202308/image_750x_64cb596f7bb0a.jpg)
"Bu gün biz hamımız "Qarabağ"dan qələbə gözləyirdik".
mediasport.az xəbər verir ki, bunu gənclər və idman naziri Fərid Qayıbov feysbuk səhifəsində yazıb.
"Qarabağ"ın Bakıda Polşanın "Rakuv" klubu ilə 1:1 hesablı heç-heçə etdiyi UEFA Çempionlar Liqasının II təsnifat mərhələsinin cavab oyunu barədə fikirlərini bölüşən nazir nəticəni belə şərh edib:
"Bu idmandır, təəssüflər olsun ki, uduzduq. Komandamıza növbəti mərhələdə uğurlar arzulayıram".
Qeyd edək ki, ilk oyunda rəqibinə 2:3 hesabı ilə uduzan "Qarabağ" iki görüşün nəticəsinə (3:4) əsasən Çempionlar Liqasında mübarizəni dayandırıb. Ağdam klubu mübarizəni Avropa Liqasında davam etdirəcək. "Köhlən atlar" turnirin III raundunda Finlandiyanın HİK komandası ilə qarşılaşacaq.