Kapitan "Sabah"dan ayrıldı - RƏSMİ
“Sabah” yarımmüdafiəçi Elvin Camalovla yollarını ayırıb.
Mediasport.az xəbər verir ki, futbolçunun ayrılmaqla bağlı müraciətinə klub rəhbərliyi tərəfindən müsbət qarşılıq verilib və onunla yolların ayrılmasına şərait yaradılıb.
Elvin bu gün səhər “Sabah” Futbol Mərkəzində klub rəhbərliyi, komanda yoldaşları və klubun digər əməkdaşları ilə görüşərək, onlarla sağollaşıb.
Camalov 2021-ci ilin yayından “Sabah”ın uğurları üçün çalışırdı.
Uzun müddət komandamızda kapitanlıq sarğısını daşıyan Elvin “Sabah”ın heyətində ümumilikdə 113 oyun keçirib.
