Beynəlxalq dərəcəli hakimlərimiz avrokubok oyunlarına təyinat aldı
Azərbaycanın beynəlxalq dərəcəli hakimləri Avropa Voleybol Konfederasiyası (CEV) tərəfindən növbəti dəfə təyinat alıblar.
Mediasport.az xəbər verir ki, Eldar Zülfüqarov qadın voleybolçular arasında Çempionlar Liqasının B qrupunda Türkiyənin “Eczacıbaşı” və Fransanın “Levallua” klublarının qarşılaşmasında ikinci hakim kimi meydana çıxacaq.
Fuad Hacıyev isə yanvarın 23-də qadın voleybolçular arasında CEV kubokunun pley-off mərhələsi çərçivəsində keçiriləcək “Türk Hava Yolları” və Belçikanın “Asteriks” klublarının görüşündə ikinci hakim olacaq.
