"Neftçi"nin prezidenti təsdiq etdi: "Yeni transferlərimiz olacaq"
Transfer çalışmalarını davam etdirən “Neftçi” yeni oyunçusunu bu gün-sabah açıqlayacaq.
Amma "ağ-qaralar" Andre Bava Şinyaşikinin keçidi ilə kifayətlənməyəcəklər.
Klubun yeni prezidenti Fərrux Mahmudov MediaSport.az saytına qısa açıqlamasında bildirib ki, komandaya daha bir neçə futbolçu cəlb olunacaq: "İndi əsas diqqətimizi "Jelezniçar"la cavab oyununa yönəltmişik. Amma transfer çalışmalarımız da öz axarında gedir. Yeni transferlərimiz olacaq".
Qeyd edək ki, yeni transfer Şinyaşiki son olaraq ABŞ-nin MLS (Mojar League Soccer) liqasında “Şarlott”un formasını geyinib. 26 yaşlı braziliyalı hücumçu Şimali Karolina klubunda 2022/2023-cü illər mvsümündə 26 oyuna 6 qol vurub.
