Nərgiz İsmayılova Çempionlar Liqasının matçına təyinat aldı
Azərbaycan Voleybol Federasiyasının (AVF) Kommunikasiya şöbəsinin koordinatoru Nərgiz İsmayılova Çempionlar Liqasının oyununa təyinat alıb.
Mediasport.az xəbər verir ki, federasiya rəsmisi turnirin təsnifat mərhələsinin 2-ci raundunda "Volley Şönenverd" (İsveçrə) - "Korona Brasov" (Rumıniya) duelində supervayzer kimi hakimlərin işinə qiymət verəcək.
Qarşılaşma bu gün İsveçrədə keçiriləcək. Görüşün hakimləri niderlandlı Geldof Helena, ispaniyalı Robles Qarsiya Karlos Alberto olacaq.
