"Qarabağ"ın "Elfsborq"la matçının biletlərinin qiymətləri açıqlandı
"Qarabağ"ın UEFA Avropa Liqasının əsas mərhələsində "Elfsborq"la səfər matçının biletləri gələn aydan satışa çıxarılacaq.
Mediasport.az xəbər verir ki, görüşü stadiondan canlı izləmək istəyənlər 3 oktyabrda qiyməti sektordan asılı olaraq 165-290 İsveç kronu (təxminən 27-48 manat) arasında dəyişəcək biletlərdən ala bilərlər.
16 min nəfərdən çox azarkeş tutumuna malik "Boros Arena"dakı qarşılaşma 13 dekabrda keçiriləcək.
