Patrik Andradenin millisi pley-offa vəsiqə qazanıb! - Afrika Kuboku
Afrika Millətlər Kuboku turnirinin final mərhələsinin oyunları davam edir.
Mediasport.az xəbər verir ki, Kapo Verde Mozambiki (3:0), Seneqal Kamerunu (3:1), Qvineya - Qambiyanı (1:0) məğlub edib.
B qrupunun 6 xala sahib vahid lideri və "Qarabağ"ın futbolçusu Patrik Andradenin də çıxış etdiyi Kapo Verde növbəti mərhələyə vəsiqəni təmin edib. Misir 2 xalla ikinci pillədədir. Qana və Mozambik isə 1 xalla 3-4-cü pillələri bölüşdürürlər.
C qrupundan Seneqal maksimum nəticə ilə adını pley-offa yazdırıb. Hazırda Qvineya 4 xalla ikinci, Kamerun 1 xalla üçüncü, Qambiya isə 0 xalla sonuncudur.
Bu gün D qrupundan 2, E qrupundan 1 qarşılaşma baş tutacaq.
Afrika Millətlər Kuboku
D qrupu
18:00 Əlcəzair - Burkina Faso
21:00 Mavritaniya - Anqola
Xal durumu: Burkina Faso - 3, Əlcəzair - 1, Anqola - 1, Mavritaniya - 0
E qrupu
00:00 Tunis - Mali
Xal durumu: Mali - 3, Namibiya - 3, Tunis - 0, Cənubi Afrika - 0
