"Qəbələ" avrokuboklara heç-heçə ilə başlayıb - Çempionlar Liqası
“Qəbələ”nin 19 yaşadək futbolçulardan ibarət komandası UEFA Gənclər Liqasında mübarizəyə başlayıb.
Mediasport.az xəbər verir ki, çempionlar yolunda qüvvəsini sınayacaq Famil Xəlilovun komandası I mərhələnin ilk oyunu çərçivəsində Macarıstan təmsilçisi “Puşkaş Akademiya” ilə qarşılaşıb.
Tarixində 6-cı dəfə bu turnirə qatılan "qırmızı-qaralar" ilk dəqiqələrdə hesabı açsalar da, üstünlüyü qoruya bilməyiblər. Komandalar arasında cavab görüşü oktyabrın 25-də Macarıstanda keçiriləcək.
Cütün qalibi növbəti raundda "Olimpiakos" (Yunanıstan) - "Leççe" (İtaliya) duelində mərhələ adlayan kollektivlə üz-üzə gələcək.
UEFA Gənclər Liqası. Çempionlar yolu. 1-ci mərhələ. İlk oyun
16:00. “Qəbələ” (Azərbaycan) – “Puşkaş Akademiya” (Macarıstan) 1:1
Qollar: Şahin Şahniyarov, 8 - Adam Umatum, 36 (pen.)
Baş hakim: Sayat Karabayev
Baş hakimin köməkçiləri: Timur Tursumbayev, Yevgeniy Karlov (hamısı Qazaxıstan)
Dördüncü hakim: Tural Qurbanov (Azərbaycan)
Qəbələ şəhər stadionu
