Qurban Qurbanov yeni dünya reytinqində 1 pillə irəliləyib
Dünyanın daxili çempionatlarının əksəriyyətində 2023/2024-cü illər mövsümü başa çatdığı üçün planetin ən yaxşı baş məşqçilərinin reytinq siyahısı yenilənib.
Mediasport.az xəbər verir ki, sıralamaya əvvəlki kimi, dünyanın 500 ən güclü mütəxəssisinin adı salınıb.
Reytinqdə Azərbaycanın yeganə təmsilçisi Qurban Qurbanov 1 pillə irəliləyib. "Qarabağ"ın baş məşqçisi 1672 xalla 135-ci pillədə qərarlaşıb.
Mövsümü "qızıl dubl"la başa vuran təcrübəli çalışdırıcı Domeniko Tedesko, Şenol Günəş, Okan Buruk, Roberto de Zerbi, Frenk Lempard kimi tanınmışları geridə qoyur.
Siyahıya 2239 xalla "Mançester Siti"nin baş məşqçisi Pep Qvardiola başçılıq edir.
