"Qarabağ" növbəti matçına çıxır
İtaliyanın Neapol şəhərində 16 yaşadək futbolçulardan ibarət komandalar arasında "Blue Devils Cup" beynəlxalq turniri keçirilir.
Mediasport.az xəbər verir ki, C qrupunda yer alan "Qarabağ" bu gün "Sanseverines"lə qarşılaşacaq.
Təmsilçimiz dünən keçirdiyi iki oyunda da məğlub olmuşdu ("Qarabağ" - "Tor Tre Teste" 0:1, "Qarabağ" - "Benevento" 1:3).
Qrup qalibləri və ikinci yerin sahiblərindən ən yaxşı nəticəyə malik iki komanda 1/4 finala yüksələcək.
Digər iştirakçılar aşağı pillələr uğrunda mübarizəni davam etdirəcəklər.
Turnirə sentyabrın 8-də yekun vurulacaq.
"Blue Devils Cup" beynəlxalq turniri. Qrup mərhələsi
7 sentyabr
"Qarabağ" - "Sanseverines"
