"Sabah" Mərakeş millisinin üzvünün transferini rəsmiləşdirdi - RƏSMİ
!["Sabah" Mərakeş millisinin üzvünün transferini rəsmiləşdirdi - RƏSMİ](https://mediasport.az/uploads/images/202306/image_750x_649bf57f94b4e.jpg)
Mövsümlərarası transfer çalışmalarını davam etdirən “Sabah” heyətini yeni futbolçu ilə gücləndirib.
MediaSport.az xəbər verir ki, Mərakeşli müdafiəçi Sofian Çakla bundan sonra Masazır klubunun uğurları üçün çalışacaq.
29 yaşlı futbolçu ilə 2 illik müqavilə bağlanıb.
Çakla karyerası ərzində İspaniyanın “Malaqa B” (2012-2014), “Betis B” (2014), “La Roda” (2015-16), “El Ejido” (2016-2017), “Almeria B” (2017-2018), “Melilya” (2018-2019), “Vilyarreal B” (2019-2020), “Vilyarreal” (2020-2021), “Xetafe” (2021), “Ponferradina” (2023), Macarıstanın “Videoton” (2014-2015) və Belçikanın “Leuven” (2021-2022) klublarında çıxış edib. O, Mərakeş millisində 4 oyun keçirib.
Sofian “Sabah”da 44 nömrəli formada çıxış edəcək.