"Sabah"dan 50-ci "quru" oyun
"Sabah" Azərbaycan Premyer Liqasının 20-ci turunda "Zirə"ni məğlub edib (1:0).
Mediasport.az xəbər verir ki, "bayquşlar" həmin matçda qapısını toxunulmaz saxlayıb və 50-ci "quru" oyununu keçirib.
Murad Musayevin komandası bunu 161-ci matçda bacarıb (23 ev, 27 səfər matçı).
Masazır təmsilçisi ölkə çempionatlarında 50 və daha çox quru oyun keçirən 21-ci komandadır.
"Sabah"ın Premyer Liqada qol buraxmadığı ilk oyun 2018-ci il, avqustun 12-də "Şamaxı" ilə matçda baş tutub (1:0).
