Naxçıvan idmançıları beynəlxalq turnirdə 7 medal qazandılar
Naxçıvan kikboksçuları Türkiyənin İğdır şəhərində keçirilən muay tay üzrə beynəlxalq turnirdə uğurla çıxış ediblər.
Mediasport.az xəbər verir ki, idmançılarımız yarışda 4 qızıl medal qazanıblar.
Komandamız Namiq Musayevin rəhbərliyi altında 4 çempionluqla yanaşı, 3 gümüş mükafat da əldə edib.
Amin Nəcəfov, Uğur Məmmədli, Hüseyn Həsənov və Ramazan Babayev birinci, Tural Səfərli, Yusif Məmmədov və Şahin Qəribov ikinci yeri tutub.
Turnirdə Türkiyə, Azərbaycan və İrandan ümumilikdə 60 idmançı yarışıb.
