"Turan Tovuz" rəsmisi yenidən federasiya prezidenti seçilib
Qərb Regional Futbol Federasiyası (QRFF) İctimai Birliyininin 6-cı Hesabat-Seçki konfransı keçirilib.
Mediasport.az xəbər verir ki, Regional Futbol Federasiyaları İctimai birliyinin baş mütəxəssisi Fizuli Nəcəfovun rəhbərliyi ilə baş tutan konfransda ötən dövr üçün Qərb Regional Futbol Federasiyası İctimai Birliyinin hesabatı dinlənilib.
Sonra səsvermə mərhələsinə keçid edilib. İştirakçılar yekdilliklə Nadir Nəbiyevə səs veriblər.
Qərb Regional Futbol Federasiyası İctimai Birliyininin prezidenti seçilən Nəbiyev iştirakçılara göstərdikləri etimada görə təşəkkür edib.
Xatırladaq ki, veteran futbolçu həm də "Turan Tovuz" PFK-nın icraçı direktorudur.
