"Turan Tovuz" qovdu, hakimləri söydü, 4 oyunluq cəzalandırıldı
AFFA İntizam Komitəsi "Karvan" klubunun futbolçusu Budaq Nəsirovu 4 oyunluq cəzalandırıb.
Mediasport.az xəbər verir ki, buna onun I Liqanın XXV turunun “Şamaxı” (0:3) ilə səfər oyununda hakimləri təhqir etməsi səbəb olub.
Qarşılaşmanın 10-cu dəqiqəsində birbaşa qırmızı vərəqə almaqla meydandan qovulan B.Nəsirov komandasını 300 manat ziyana salıb.
Xatırladaq ki, futbolçu mövsümün gedişində komanda yoldaşı ilə dava etdiyi üçün "Turan Tovuz"dan qovulmuşdu.
Liqanın “Mingəçevir” – “Zaqatala” oyununun 90-cı dəqiqəsində qonaqların baş məşqçisi Rüstəm Məmmədov texniki zonanı tərk edərək hakimin qərarına etiraz etdiyinə görə birbaşa qırmızı vərəqə aldığı üçün 2 oyun cəzalanıb, klubu 150 manat cərimələnib.
“İmişli” – “Qaradağ Lökbatan” matçının 42-ci dəqiqəsində meydana atılan kənar əşyanın hakimə dəyməsi nəticəsində 10 dəqiqə fasilə yarandığına görə bölgə klubu həm 500 manat cərimələnib, həm də xəbərdarlıq alıb.
"İmişli" meydana kənar şəxs daxil olduğu üçün isə 80 manat ziyana düşüb.
