Türkiyə Futbol Federasiyasından azərbaycanlı futbolçulara "yaşıl işıq"
![Türkiyə Futbol Federasiyasından azərbaycanlı futbolçulara "yaşıl işıq"](https://mediasport.az/uploads/images/202306/image_750x_649420a5e2ea1.jpg)
Türkiyə Futbol Federasiyası (TFF) Super Liqada legioner limiti ilə bağlı yeni qərar qəbul edib.
MediaSport.az xəbər verir ki, bundan sonra azərbaycanlı futbolçular Türkiyə çempionatlarında yerli statusu ilə oynaya biləcəklər.
TFF-nin qərarında deyilir:
"Klublar Azərbaycan, Qazaxıstan, Qırğızıstan, Özbəkistan və Türkmənistan vətəndaşı olan bir futbolçu və Türkiyə A milli futbol komandasında oynaya bilməyən, türk vətəndaşlığı və ya mavi kart sahibi olan maksimum 1 futbolçu ilə müqavilə bağlayıb qeydiyyatdan keçirə bilərlər".
Qeyd edək ki, Superliqada yeni mövsüm avqustun 11-də başlanacaq. Daha əvvəl çempionatdakı komandalara 14 legionerlə çıxış etməyə icazə verilib.