Avropa Liqasında 1-ci mərhələ: "Zirə" "Şerif"ə qalib gəldi
Bu gün futbol üzrə UEFA Avropa Liqasında 2024/2025-ci illər mövsümünə start verilib.
Mediasport.az xəbər verir ki, Azərbaycanı yarışda təmsil edəcək "Zirə" 1-ci təsnifat mərhələsi çərçivəsində Moldovada meydana çıxıb.
Rəşad Sadıqovun baş məşqçisi olduğu "qartallar" "Şerif"lə qarşılaşıb və qələbə qazanıblar.
Komandalar arasında cavab görüşü bir həftə sonra Bakıda baş tutacaq.
Xatırladaq ki, təmsilçimiz Avroliqada turu keçə bilməsə, yoluna Avropa Konfrans Liqasında davam edəcək.
UEFA Avropa Liqası. 1-ci təsnifat mərhələsi. İlk oyun
21:00. Şerif (Moldova) - Zirə (Azərbaycan) 0:1
Qol: Davit Volkov, 88.
"Şerif": 16. Əl-Tumi, 8. Fernandes, 10. Badolo, 18. Kyabu (k), 33. Lins De Almeyda, 45. Əyyub Allaş, 50. Behiratçe, 61. Akanbi, 66. Pata, 69. Ademo, 90. Yade
Baş məşqçi: Yurii Hura
"Zirə": 97. Tiaqo Silva, 4. Ruan Renato, 5. Stefan Aka, 8. İsmail İbrahimli, 11. Rüstəm Əhmədzadə, 15. Pyer Zebli, 23. Rafael Utsiq, 29. Ceyhun Nuriyev, 32. Qismət Alıyev (k), 70. İssa Cibrilla, 90. Davit Volkov
Baş məşqçi: Rəşad Sadıqov
Baş hakim: Alessandro Dudiç (İsveçrə)
Tiraspol. "Şerif" İdman Kompleksi.
