“Zirə” "Şerif"lə oyunlar üçün iştirak ərizəsini UEFA-ya göndərib
Azərbaycanı yeni mövsüm avrokuboklarda təmsil edəcək “Zirə” iştirak ərizəsini UEFA-ya göndərib.
Mediasport.az xəbər verir ki, baş məşqçi Rəşad Sadıqov siyahıya 22 oyunçunun adını daxil edib.
Qapıçılar: Anar Nəzirov, Tyaqo Silva, Səlim Həşimov;
Müdafiəçilər: Mutsinzi Ange, Ruan Renato, Stefan Aka, Məqsəd İsayev, Elçin Əlicanov, Fuad Bayramov, Qismət Alıyev;
Yarımmüdafiəçilər: Eldar Quliyev, İsmayıl İbrahimli, Pyer Zebli, Martins Junior, Salifu Suma, Hacıağa Hacılı, Abbas İbrahim, Ceyhun Nuriyev, İssa Cibrilla;
Hücumçular: Rüstəm Əhmədzadə, Rafael Utziq, David Volkov.
Xatırladaq ki, qəsəbə təmsilçisi Avropa Liqasının 1-ci təsnifat mərhələsində Moldovanın "Şerif" klubu ilə qarşılaşacaq.
İlk görüş iyulun 11-də, saat 21:00-da “Şerif” İdman Kompleksində reallaşacaq, cavab oyunu bir həftə sonra “Liv Bona Dea Arena"da keçiriləcək.
