"Zirə"nin formasını geyinmiş futbolçu 35 yaşında vəfat etdi
2017/2018-ci illər mövsümündə "Zirə"də oynamış Jozef Bum vəfat edib.
Mediasport.az xəbər verir ki, qəsəbə klubunda 17 matçda forma geyinmiş kamerunlu müdafiəçinin ölüm səbəbi barədə məlumat yoxdur.
35 yaşlı afrikalının həyatını itirməsi ilə bağlı keçmiş klubu "Antalyaspor" ailəsinə başsağlığı mesajı paylaşıb.
O, Türkiyədə "Mersin idmanyurdu" klubunda da forma geyinib.
Zirə klubu da Bumun vəfatı ilə əlaqəli post paylaşaraq sabiq futbolçusunun ailə üzvlərinə başsağlığı verib.
