Zubir: "Bilirəm ki, bizim komandadan gözləntilər yüksəkdir"
"Həftəboyu yaxşı hazırlaşmışıq. "Hekken" yaxşı oyun quran, sürətli və keyfiyətli komandadır. Buna baxmayaraq, buraya inamla gəlmişik. Azərbaycana xoş nəticə ilə qayıtmaq istəyirik".
Mediasport.az xəbər verir ki, bu sözləri "Qarabağ"ın lideri Abdullah Zubir deyib.
Fransalı futbolçu Avropa Liqasının qrup mərhələsinin "Hekken"lə sabah baş tutacaq görüşü haqqında fikirlərini bölüşüb:
"Qarabağ" böyük klubdur. Böyük klub da təzyiq deməkdir. Ona görə bunu dərk edirik. Bilirəm ki, bizim komandadan gözləntilər yüksəkdir. Hamı yaxşı nəticə gözləyir. Özümə gəlincə, məşqlərdə həmişə səylə çalışıram. Təbii ki, inkişaf etmək niyyətindəyəm. Komanda olaraq azarkeşlərimizi sevindirməyə çalışırıq. Əlimdəm gələni edirəm ki, yerimdə saymayım".
"Hekken" - "Qarabağ" matçı Bakı vaxtilə saat 23:00-da başlanacaq.
