Amerika Kuboku-2024-ün bütün iştirakçı yığmaları müəyyənləşib
Kosta Rika - Honduras qarşılaşması ilə Amerika Kuboku-2024-də iştirakçı sayı tamamlanıb.
Mediasport.az xəbər verir ki, turnirə vəsiqəni əvvəldən təmin etmiş 15 milli komandaya Kosta-Rika yığması qoşulub.
Qustavo Alfaronun baş məşqçisi oludğu kollektiv buna Hondurası 3:1 hesabı ilə məğlub etməklə nail olub.
Amerika Kuboku iyunun 20-dən iyulun 14-dək ABŞ-də keçiriləcək.
Matçlar 14 şəhərin 14 stadionunda təşkil ediləcək.
Qrup mərhələsinin qarşılaşmaları iyunun 20-dən iyulun 2-dək, iyulun 4-dən 6-dək 1/4 final, 9-u və 10-da iyulda yarımfinal, 13-də üçüncü yer uğrunda duellər baş tutacaq.
Final oyunu iyulun 14-də Mayamidə reallaşacaq.
Amerika Kuboku-2024. Final mərhələsi
A qrupu: Argentina, Peru, Çili, Kanada
B qrupu: Meksika, Ekvador, Venesuela, Yamayka
C qrupu: ABŞ, Uruqvay, Panama, Boliviya
D qrupu: Braziliya, Kolumbiya, Paraqvay, Kosta Rika.
