Azərbaycan DERBİsi: "Neftçi" "Qarabağ"la matça 2 itki ilə çıxacaq
"Neftçi" Azərbaycan Premyer Liqasının 25-ci turunda öz meydanında "Qarabağ"ı qəbul edəcək.
Mediasport.az saytı klubun mətbuat xidmətinə istinadən xəbər verir ki, Azərbaycan derbisi ərəfəsində "ağ-qaralar"ın heyətində 2 itki var.
Uzun müddətdir zədəli olan Emil Balayev və Ataa Caber "Qarabağ"a qarşı oynamayacaq.
Digər zədəli oyunçular isə artıq komandaya qoşulub və kollektivlə birlikdə məşq edir.
Qeyd edək ki, "Neftçi" - "Qarabağ" qarşılaşması 3 mart tarixində, saat 19:00-da "Neftçi Arena"da baş tutacaq.
