Azərbaycan millisi dünya çempionatında növbəti mərhələdə!
Birləşmiş Ərəb Əmirliklərinin (BƏƏ) Ras Əl-Xayma şəhərində keçirilən minifutbol üzrə dünya çempionatında qrup mərhələsinin oyunları davam etdirilir.
Mediasport.az xəbər verir ki, tarixində ilk dəfə mundialda iştirak edən Azərbaycan milli komandası bu gün qrupda ikinci matçına çıxıb.
Yarışa İraq yığması üzərində 2:0 hesablı qələbə ilə başlayan Elşad Quliyevin komandası Misir kollektivi ilə qarşılaşmadan da maksimum nəticə ilə ayrılıb - 4:1.
Beləliklə, millimiz mundialda növbəti mərhələyə vəsiqəni vaxtından əvvəl təmin edib.
G qrupunda yer alan futbolçularımız oktyabrın 31-də Tunis komandası ilə üz-üzə gələcəklər.
