"Azərreyl", "Abşeron" və "Gəncə" turu qələbə ilə başa vurublar
Azərbaycan Yüksək Liqasında həm qadın, həm də kişi voleybolçular arasında ölkə çempionatlarının oyunları keçirilib.
Mediasport.az xəbər verir ki, qadınların mübarizəsində 6-cı tur çərçivəsində "Gəncə" evdə "Milli Aviasiya Akademiyası" üzərində inamlı qələbə qazanıb.
Daha sonra "Abşeron" və "Murov Az Terminal" komandaları qarşılaşıblar. Qadın voleybolçular arasında günün sonuncu qarşılaşmasında UNEC "Azərreyl"lə üz-üzə gəlib.
Kişilərin mübarizəsində isə Yüksək Liqada bir oyun baş tutub. "Xarı Bülbül Şuşa" "Xarı Bülbül Laçın"ı qəbul edib.
Azərbaycan Yüksək Liqası. 6-cı tur. Qadınların mübarizəsi
15:00 "Gəncə" - "Milli Aviasiya Akademiyası" 3:1 (25:16, 22:25, 25:11, 25:10)
16:00 "Abşeron" - "Murov Az Terminal" 3:1 (25:20, 25:12, 22:25, 26:24)
19:00 UNEC - "Azərreyl" 0:3 (12:25, 16:25, 17:25)
Kişilərin mübarizəsi
"Xarı Bülbül Şuşa" - "Xarı Bülbül Laçın" 3:1 (25:18, 19:25, 25:22, 25:22)
