Benzema Messinin rekordunu təkrarladı
Madrid “Real"ının hücumçusu Kərim Benzema PSJ-nin ulduzu Lionel Messinin rekordunu təkrarlayıb.
mediasport.az xəbər verir ki, Əlcəzair əsilli fransalı bu nəticəni İspaniya Superkubokunun yarımfinalında “Valensiya” ilə oyunda penaltidən qol vuraraq reallaşdırıb.
Komandasının yeganə qoluna imza atan Benzema Superkubokda ardıcıl 5-ci matçda fərqlənməyi bacarıb. Bunadək Messi 2010-2012-ci illər aralığında “Barselona”nın heyətində ardıcıl 5 Superkubok görüşündə qol vurmuşdu. Argentinalı həmin oyunlarda ümumilikdə 8 qol vurubsa, Benzemada bu göstərici 5-ə bərabərdir.
