"Neftçi" yenidən "Zenit"ə qarşı
İyulda Rusiyada keçirilən "Match TV" Kubokunda qarşılaşan "Neftçi" və "Zenit" komandaları növbəti dəfə üz-üzə gələcəklər.
mediasport.az Rusiya mətbuatına istinadən xəbər verir ki, bu matç sentyabr ayında baş tutacaq.
Görüş milli komandaların seçmə mərhələ oyunlarına görə yaranacaq fasilə zamanı reallaşacaq.
Məlumata əsasən, sentyabrın 7-si yaxud 8-də oynanılacaq oyun Sankt-Peterburqda təşkil ediləcək.
Qeyd edək ki, komandalar arasında ayyarım əvvəl baş tutan duel "Zenit"in 3:1 hesablı qələbəsilə yekunlaşmışdı.
