"Qarabağ" "Legiya"ya uduzdu
Yay təlim-məşq toplanışını Avstriyada keçən "Qarabağ" ikinci yoxlama oyununda qüvvəsini sınayıb.
MediaSport.az xəbər verir ki, ilk matçda "Ferensvaroş"la (Macarıstan) 3:3 hesablı bərabərə qalan Ağdam təmsilçisi bu dəfə daha bir tanış rəqib - "Legiya" ilə qarşılaşıb.
Təmsilçimiz görüşdən məğlubiyyətlə ayrılıb - 0:2.
Yoldaşlıq oyunu
"Qarabağ" - "Legiya" 0:2
Qollar: Maçey Rosolyok, Yürgen Elitim.
"Qarabağ": Şahruddin Məhəmmədəliyev, Marko Veşoviç, Bəhlul Mustafazadə, Kevin Medina, Elvin Cəfərquliyev, Julio Romao, Marko Yankoviç, Leandro Andrade, Redon Cica, Abdulla Zubir, Hamidu Keyta.
İkinci hissədə meydana daxil olanlar: Amin Ramazanov, Maksim Medvedev, Rahil Məmmədov, Bədavi Hüseynov, Nihad Quliyev, Yassin Benziya, Qara Qarayev, Riçard Almeyda, Toral Bayramov, Adama Diakabi, Nəriman Axundzadə.
