Azərbaycan idmançısı Dünya Oyunlarına lisenziya qazandı
Kikboks üzrə Azərbaycan milli komandasının üzvü Amin Quliyev 2025-ci ildə Çinin Çenqdu şəhərində keçiriləcək Dünya Oyunlarına lisenziya qazanıb.
Mediasport.az xəbər verir ki, o, ölkəmizi 63,5 kq çəki dərəcəsində təmsil edəcək.
İdmançımız bu hüquqa Yunanıstanın paytaxtı Afinada təşkil edilmiş Avropa çempionatında yarımfinala yüksəlməklə nail olub.
Xatırladaq ki, Azərbaycan komandası Dünya oyunlarında geniş heyətlə təmsil olunacaq.
Yarış avqustun 7-17-də keçiriləcək.
