"Qarabağ", "Sabah" və "Neftçi"nin oyunları bu kanallarda yayımlanacaq
Avropa Liqasının III təsnifat mərhələsində çıxış edəcək "Qarabağ", həmçinin Avropa Konfrans Liqasının III təsnifat mərhələsində mübarizə aparacaq "Sabah"la "Neftçi"nin raund çərçivəsində ilk görüşlərini yayımlayacaq telekanallar müəyyənləşib.
mediasport.az saytına verilən məlumata görə, "Qarabağ"ın Finlandiyanın HİK klubu ilə oyunu tamaşaçılara "İdman Azərbaycan" kanalı vasitəsilə təqdim olunacaq.
Yayım hüququ "CBC Sport"a məxsus olsa da, kanal "Neftçi" - "Beşiktaş" qarşılaşmasını göstərəcəyindən bu matçı qonşu tv ilə bölüşüb.
"Sabah" - "Partizan" duelinə isə "İctimai" TV-dən baxa bilərsiz.
Hər 3 matç avqustun 10-da keçiriləcək. "Qarabağ"la "Sabah"ın görüşü saat 20:00-da, "Neftçi"nin oyunu 21:00-da baş tutacaq.
