"Qarabağ"ın sabiq üzvü Kriştiano Ronaldo ilə komanda yoldaşı ola bilər
2019-cu ildə mövsümün yarısını icarə əsasında “Qarabağ”da keçirmiş Asmir Beqoviç karyerasını Səudiyyə Ərəbistanında davam etdirə bilər.
mediasport.az xəbər verir ki, Kriştiano Ronaldonun formasını geyindiyi “Əl-Nəsr” 36 yaşlı qapıçının məxsus olduğu “Everton”a təklif göndərib.
Britaniya mətbuatı yazır ki, Liverpul təmsilçisi veteran kiperi buraxmağa tələsməsə də, əsas heyətdə şans görməyən Beqoviçin keçidi üçün tərəflər arasında danışıqlar aparılır.
2021-ci ildən "Everton"da olan və cəmi 4 matçda meydana çıxmış qolkiper Ağdam klubunun heyətində 10 görüş keçirib.
