Dünya lideri "Google"dan "Sabah"a qarşı kobud xəta - FOTOFAKT
Sloveniyada təlim-məşq toplanışında olan "Sabah" 2-ci yoxlama matçına çıxıb.
Mediasport.az xəbər verir ki, Masazır təmsilçisi Serbiya klubu "Çukariçki" ilə heç-heçə edib - 0:0.
Maraqlıdır ki, internet axtarış üzrə dünya lideri "Google"un brauzerində oyunun yekun nəticəsi ilə bağlı yer alan hesab tablosunda Malayziyanın "Sabah" klubunun loqosu yer alıb.
Xatırladaq ki, Krunoslav Renduliçin komandası daha əvvəl Sloveniyanın "Koper" kollektivi ilə baş tutan yoxlama oyununda qələbə qazanmışdı (1:0).
