"Səbail"dən ayrıldı, karyerasını Premyer Liqada davam etdirəcək
“Şamaxı” heyətinə daha bir futbolçu qatıb.
mediasport.az xəbər verir ki, yarımmüdafiəçi Emin Zamanov mövsümün ikinci yarısından məşqçilər korpusunun sərəncamında olacaq.
25 yaşlı oyunçu yeni komandası ilə 2024-cü ilin yayınadək müqavilə imzalayıb. Zamanov ötən gün Premyer Liqanın digər təmsilçisi “Səbail”dən ayrılıb.
Daha əvvəl hücumçu Emil Qasımovu transfer edən “Şamaxı” Rəhman Daşdəmirov, Rövşən Şahmuradov, Fuad Bayramov və Bahadur Həziyevlə sözləşməni yeniləyib.
