SOCAR-dan ayrılan bu klub Premyer Liqada oynamağa hazırdır
I Liqada mübarizə aparan "Qaradağ Lökbatan" Premyer Liqaya liseneziya qazanmaq üçün konkret addım atıb.
Mediasport.az "Sportinfo"ya istinadən xəbər verir ki, 22 turdan sonra turnir cədvəlinə başçılıq edən qəsəbə təmsilçisi "Neftçi" İdman Klubunun balansından çıxıb.
Klub müstəqil fəaliyyət göstərmək üçün Ədliyyə Nazirliyindən qeydiyyatdan keçib və öz nizamnaməsini təsdiqlədib. Bu da o deməkdir ki, "Qaradağ"ın artıq SOCAR-a heç bir bağlılığı olmayacaq.
Azər Həşimovun çalışdırdığı kollektiv 48 xala malikdir. Bu göstərici ilə ən yaxın rəqibləri olan "İmişli"ni 5 xal qabaqlayırlar.
"Qaradağ Lökbatan" 15 ildən artıqdır aşağı dəstədə çıxış edir. Bu müddətdə 2 dəfə çempion adını qazanıblar, dəfələrlə müxtəlif əyarlı medallara yiyələniblər.
