"Turan Tovuz"lunun yığması ABŞ-ni məğlub etdi, Uruqvay 1/4 finalda
Futbol üzrə Amerika Kuboku turnirində qrup mərhələsinin 2-ci turunun oyunları davam edir.
Mediasport.az xəbər verir ki, C qrupu çərçivəsində iki oyun keçirilib.
Gecənin ilk matçında Panama və ABŞ dueli maraqlı alınıb, hər iki kollektiv meydanda azlıqda qalıb.
Birincilərin heyətində olan "Turan Tovuz"un müdafiəçisi Roderik Miller 90 dəqiqə oynayıb və panamalılar yarışda ilk qələbələrini qazanaraq pley-off şanslarını saxlayıblar.
Uruqvay isə darmadağınla ardıcıl ikinci qalibiyyətini rəsmiləşdirib və 1/4 finala vəsiqəni təmin edib.
Xatırladaq ki, bu gecə D qrupunda keçiriləcək 2 oyunla ikinci tura yekun vurulacaq.
Amerika Kuboku. Qrup mərhələsi. 2-ci tur
28 iyun
C qrupu
Panama - ABŞ 2:1
Qollar: Sezar Blekmen, 26; Joze Fakardo, 83 - Folarin Baloqun, 22.
Qırmızı vərəqələr: Adalberto Karraskella, 88 - Timoti Vea, 18.
"Mercedes-Benz" stadionu.
Uruqvay - Boliviya 5:0
Qollar: Fakundo Pellistri, 8; Darvin Nunez, 21; Maksimiliano Arauxo, 77; Federiko Valverde, 81; Rodriqo Bentankur, 89.
"Metlayf" stadionu.
Xal durumu: Uruqvay - 6 xal, ABŞ - 3 xal, Panama - 3 xal, Boliviya - 0 xal.
D qrupu
02:00 Kolumbiya - Kosta-Rika
05:00 Paraqvay - Braziliya
Xal durumu: Kolumbiya - 3 xal, Braziliya - 1 xal, Kosta-Rika - 1 xal, Paraqvay - 0 xal.
