Püşk atılacaq - Çempionlar Liqası
Bu gün futbol üzrə UEFA Çempionlar Liqasında 1/4 final, yarımfinal və final mərhələlərinin püşkü atılacaq.
mediasport.az xəbər verir ki, püşkatma UEFA-nın Nyondakı mənzil-qərargahında baş tutacaq və Bakı vaxtilə saat 15:00-da başlanacaq.
Əvvəlki mərhələlərdən fərqli olaraq, bu dəfə “kor püşk” olacaq. Yəni, mübarizəni davam etdirən 8 komandanın hər biri istənilən kluba rəqib ola bilər.
1/4 finaldakı cütlüklərlə yanaşı, yarımfinalın potensial cütlükləri və finalın mümkün "meydan sahibi" də müəyyənləşəcək.
1/4 final mərhələsinin ilk oyunları aprelin 11-12-də, cavab görüşləri 18-19-da keçiriləcək. Yarımfinal qarşılaşmaları 9-10 və 16-17 may tarixlərində oynanılacaq. Çempionlar Liqasının finalı isə iyunun 10-da İstanbuldakı Atatürk Olimpiya Stadionunda baş tutacaq.
“Bavariya” (Almaniya)
“Benfika” (Portuqaliya)
“Çelsi” (İngiltərə)
“İnter” (İtaliya)
“Mançester Siti” (İngiltərə)
“Milan” (İtaliya)
“Napoli” (İtaliya)
“Real” (Madrid, İspaniya)
