"Zirə" - "Kəpəz" oyununda mövsümün antirekordu qeydə alındı
Azərbaycan Premyer Liqasının XVIII turunun “Zirə” – “Kəpəz” oyunu qırmızı vərəqələrin sayında antirekordla əlamətdar olub.
mediasport.az xəbər verir ki, 2:2 hesabı ilə bitən matçda 5 futbolçuya belə ağır cəza verilib.
Coşqun Diniyev və Nemanya Andelkoviç meydan sahiblərinin, Elçin Əlicanov, Girogi Kantariya və Mixeil Erqemlidze isə qonaqların heyətində qırmızı vərəqə alıb. Sonuncunun cəzası oyun bitdikdən sonraya təsadüf edib. Bu, Premyer Liqanın cari mövsümünün antirekordudur.
