Alim Nəbiyev Batumidə qalib gəldi
Azərbaycanın və "Qəbələ" İdman Klubunun kikboksçusu Alim Nəbiyev növbəti döyüşünü keçirib.
Mediasport.az xəbər verir ki, 30 yaşlı idmançı Gürcüstanda təşkil olunan "Grand Bellagio Championship-2"də iştirak edib.
Nəbiyev reytinq xarakterli döyüşdə Batumidə Uqanda təmsilçisi Umar Semata ilə qarşılaşıb.
Yeddiqat dünya və üçqat Avropa çempionu olan idmançımız bu qarşılaşmada qalib gəlib.
Bu, Alimin peşəkarlar arasında 64-cü döyüşdə 56-cı qələbəsi olub.
