"Qarabağ" futbolçusuna, "Neftçi" azarkeşlərinə görə cərimələnib
!["Qarabağ" futbolçusuna, "Neftçi" azarkeşlərinə görə cərimələnib](https://mediasport.az/uploads/images/202302/image_750x_63dcae519196c.jpg)
AFFA İntizam Komitəsinin iclası keçirilib.
Mediasport.az xəbər verir ki, toplantıda Premyer Liqa klubları və futbolçuların kubok görüşlərində yol verdikləri xətalara görə cəzaları açıqlanıb.
"Qarabağ"ın yarımmüdafiəçisi Riçard Almeyda "Sabah"a 3:4 hesabı ilə məğlub olduqları Azərbaycan Kubokunun 1/4 final mərhələsinin cavab matçında ciddi qayda pozuntusuna görə birbaşa qırmızı aldığı üçün 1-i şərti olmaqla 2 oyunluq cəzaya məruz qalıb.
"Köhlən atlar" 1500 manat cərimə ödəyəcəklər.
Kubokun heç-heçə başa çatan "Neftçi" - "Sumqayıt" oyununda "ağ-qaralar"ın azarkeşləri pirotexniki vasitədən istifadə etdikləri üçün paytaxt təmsilçisi 1500 manat, 6 oyunçusu sarı vərəqə aldığına görə isə 700 manat cərimələnib.
"Gənclik şəhəri" təmsilçisi də 700 manat cərimədən qaça bilməyib - 4 futbolçusu rəsmi xəbərdarlıq aldığı üçün.
"Araz-Naxçıvan" da "Qəbələ" ilə səfər qarşılaşmasında sarı vərəqə alan 4 futbolçusuna görə 700 manat ziyana düşüb.