Avropa çempionatı: Millimizin oyunlarının təqvimi açıqlanıb
Amputant futbolçulardan ibarət Azərbaycan millisinin Avropa çempionatındakı oyunlarının təqvimi açıqlanıb.
Mediasport.az xəbər verir ki, C qrupunda yer alan yığma ilk matçında İrlandiya seçməsi ilə üz-üzə gələcək.
İyunun 2-də oynanılacaq görüş Bakı vaxtı ilə saat 19:00-da başlanacaq.
Millimiz bir gün sonra Türkiyə kollektivini sınağa çəkəcək. Qarşılaşma Bakı vaxtı ilə saat 14:00-da start götürəcək.
Azərbaycan yığması qrupda son oyununu iyunun 4-də, Vakı vaxtilə saat 13:00-da İsrail komandasına qarşı keçirəcək.
Qeyd edək ki, Avropa çempionatı iyunun 1-dən 8-dək Fransada təşkil olunacaq.
