Daha 11 idmançımız bu gün mübarizəyə başlayır - Avropa Oyunları
Polşada təşkil olunan III Avropa Oyunlarında 4-cü yarış gününün təqvimi açıqlanıb.
MediaSport.az xəbər verir ki, Azərbaycan komandası bu gün 5 növdə 11 idmançı ilə mübarizə aparacaq.
Karate və taekvondoda 4, boksda 2, kamandan oxatmada 1 idmançımız medalçılar sırasına düşməyə çalışacaq.
Atıcılıq yarışında isə yığma komandamız qüvvəsini sınayacaq.
İyulun 2-dək davam edəcək III Avropa Oyunlarında 48 ölkədən 7 minə yaxın idmançı 29 növ üzrə 253 dəst medal uğrunda yarışacaq. Azərbaycan "Krakov-2023"də 13 növ üzrə 86 idmançı ilə təmsil olunur.
III Avropa Oyunları. 4-cü gün
Kamandan oxatma
10:45. Qadınlar: Yaylagül Ramazanova (fərdi)
Karate
11:00. Qadınlar: İrina Zaretska (68 kq), Fəridə Əliyeva (+68 kq)
Kişilər: Fərid Ağayev (75 kq), Asiman Qurbanlı (+84 kq)
Taekvondo
11:00. Qadınlar: Minayə Əkbərova (46 kq), Patimat Abakarova (49 kq)
Kişilər: Səyyad Dadaşov (54 kq), Qaşım Maqomedov (58 kq)
Atıcılıq
11:45. Ruslan Lunyov və Nigar Nəsirovadan ibarət qarışıq cütlük (10 m məsafəyə pnevmatik tapançadan atəş açma)
Boks
15:00. Kişilər: Ümid Rüstəmov (57 kq), Malik Həsənov (63,5 kq)
