İdmançılarımız DÇ-də 10 medal qazandılar: 6 qızıl, 4 gümüş
Azərbaycan idmançıları Honkonqda keçirilən Çin Döyüş Növləri üzrə 15-ci beynəlxalq festival və Vinq Çun üzrə 11-ci dünya çempionatında uğurlu çıxış ediblər.
mediasport.az xəbər verir ki, baş məşqçi Arzuman Rəsulzadənin yetirmələri yarışda 6-sı qızıl və 4-ü gümüş olmaqla 10 medal qazanıblar.
30 ölkədən 2000-dən çox atletin iştirak etdiyi birincilikdə ölkəmizi Azərbaycan Vinq Çun Federasiyasının 12 idmançısı təmsil edib.
İdmançılarımızdan yeniyetmələr arasında Nailə Əliyeva (Vinq Çun tao lu), Məryəm Mahalova (Vinq Çun tao lu), İsmayıl Sayadlı (Vinq Çun kontakt – 75kq), Məhəmmədəli Axundov (Vinq Çun kontakt – 56 kq) bütün rəqiblərindən güclü olublar.
Gənclər və böyüklər arasında Ayman Mahal (Vinq Çun kontakt – 65 kq) I yerə, İbrahim Ağayev (Vinq Çun kontakt – 56 kq), Mehman Bədəlzadə (Vinq Çun kontakt – 80 kq), Süleyman İsmayılov (Vinq Çun kontakt – 75 kq) və Murad Məhərrəmov (Vinq Çun tao lu) II yerlərə layiq görülüblər.
45-60 yaş arası isə I yeri Mahmud Mehtioğlu (Vinq Çun tao lu) tutub.
